Tudchentil

Les sources sur les gentilshommes bretons

Tromelin et Suffren

Un conflit entre marins

Par Claude-Youenn Roussel et Claude Forrer. Préface du contre-amiral Caron.

Au milieu de la guerre d'Amérique, dans l'océan Indien, des officiers aux bons états de service sont jetés à la porte de la Marine sur une appréciation colérique et dépréciative de Suffren, leur chef.

Parmi eux se trouve un Breton de Morlaix, Bernard Marie Boudin de Tromelin. Condamné sans jugement suite aux lettres venimeuses de son chef, il fait imprimer pour se défendre un Mémoire justificatif que personne n'accepte de lire dans les hautes sphères, l'empêchant ainsi de s'expliquer.

C'est ce texte rarissime qui est produit ici, empli d'une infinité de renseignements historiques, maritimes et militaires, commenté, annoté et analysé, accompagné de multiples autres documents dont les lettres officielles et privées de Suffren.

Claude-Youenn Roussel (membre de Tudchentil), spécialiste reconnu de la Bretagne et de la marine du XVIIIe siècle, a publié de nombreux livres (deux prix du Patrimoine maritime en 1992, prix de l'Académie de Marine en 2011, prix national de la Marine ACORAM en 2012). Le commandant Claude Forrer, capitaine au long cours en retraite, s'est passionné pour l'Histoire maritime ancienne et moderne. Il est l'auteur de diverses publications spécialisées.

En vente sur Amazon.fr au format broché (29€) ou au format Kindle (22,99€).

Tudchentil a 20 ans !

De septembre 2002 à septembre 2022, 20 ans se sont écoulés.
Pour fêter cet anniversaire particulier, nous appuyons sur
l'accélérateur et publierons plus de 25 articles ce mois-ci !

Merci de votre fidélité et de votre soutien pour les 20 prochaines années !

Bonne année !

Joyeux Noël et bonne année !

Soutenez Tudchentil, en 2021, adhérez à notre association !

La Nativité tirée d'un livre d'heures à l'usage de Saint-Malo, © Bibliothèque Rennes Métropole, ms. 1510, f. 37, détail.

Chapelle de Kerfons (Ploubezre), peut-être fondée par les Coatarel, jubé datant de 1480 environ.
Photo A. de la Pinsonnais (2007).

Huon-Trousson - Contrat de mariage et acte d’émancipation (1494)

Mercredi 16 février 2022, transcription de Armand Chateaugiron.

Adhérez à Tudchentil !

Notice d'adhésion 2022 à Tudchentil, à remplir et à envoyer avec votre chèque au siège de l'association.

Catégories de l'article

Source

Archives départementales du Finistère, 32J1, Chartrier de Kerézellec.

Citer cet article

Archives départementales du Finistère, 32J1, Chartrier de Kerézellec, transcrit par Armand Chateaugiron, 2022, en ligne sur Tudchentil.org, consulté le 4 novembre 2022,
www.tudchentil.org/spip.php?article1500.

Huon-Trousson - Contrat de mariage et acte d’émancipation (1494)

Télécharger ou imprimer cette transcription
172.5 ko.

Pour acomplir le mariage que a esté en cest jour faict greé d‘entre Louys Huon, fils ainé, principal heritier et noble, presuptiff et expectant d’Yvon Huon, d’une part, [et Marie] [1] Trousson, fille de noble escuyer Phelippes Trousson, seigneur de Ꝃfeuntenyou, d’aultre.

Sachent toutz que en nostre court de Landerneau furent presentz en droit personnellement [establis] nobles gents ledit Phelippes Trousson et Catarine Ꝃdeffret, sa compaigne et fame espousse, ladite Marie sa fille, icelles fame et fille tout prins et avant de … de leurdict mary et pere et à esquelles leurdict mary et pere donne et preste, donné et presté ses aultre povoir et asentement à tout ce que enssuit et le contenu en ceste …, et lesdicts Yvon Huon et Louys Huon son fils tramie estre deument authorisé et esmancipé du povoir et liantz paterneaulx de sondict pere, presentement aprové et de laquelle ladicte esmancipation la teneur s’enssuit.

Sachent toutz que en nostre court de Sizun et Ploediry furent presentz en droit personnellement establis Yvon Huon et Louys Huon son fils aisné principal heritier et noble presuptiff et expectant, lequel fils o toute humilité a requis et suplié à sondict pere l’emanciper et mettre hors ses povoir et liantz paterneaulx et … sondict pere inclinant à ladicte suplication et requeste de sondict fils o toute solempnité de droit et de coustume en tel cas apartenan, a esmancipé sondict fils mis et mest [par] ces presentes hors ses povoir et liantz paterneaulx en le faissant et fit seigneur de tout le sien concquis et à concquerir et luy a quitté et quitte par [cestes] le louyer de ceste esmancipation en promettant et promest ainsin le tenir et non venir jamais e[n]contre et par son serment et ce fait icelluy Yvon en authorizant droit de nature à sondict fils delivré, transporté, cedé et octroyé et par cestes presentes livre, cede, transporte et octroye tout le fond propriété possession et saesine de ses terres heritages possessions et saesines en quelque lieux fie et jusdictions qu’ils sont, ne puissent estre trouvés sans reus excepter ne osoy retenir restue oudict Yvon jouir et jouira à sa vie durante des fruitz, levées levées [sic] et esmolumentz d’iceulx sa vie durante sans autre esgard à ladicte livrée et cession ja faicte … sondict fils dudict fond et à ses aultres enffentz ais et auront leur droit avenant, part, portion et testée esdictes terres possesions et saesines à noble comme en noble et en partable comme en partable à la coustume des aultres nobles du pays sur laquelle livrée ledict Yvon a promis, juré et greé, promist, jura et gréa et par son serment, garantit et garantira sondict fils vers toutz et chacun à la coustume et s’est de maintenant desmis, desnué, desvestu et desaisy de tout ledict fond vestant, mestant et mest ledict Louys sondict fils en possession et saesine d’icelluy reelle et corporelle en le constiant et constitue seigneur proprietaire de ce o les pointz et conditions preditz ces chosses et chacun de elles tenir fornir bien et loyaulment acomplir sans jamais encontre venir ne faire venir promist jura s’est obligé et s’oblige ledict Yvon soubs l’obligation et ypotheque que de toutz et chacun ses biens et par son serment en remettre et remettra quant an … faire ne donner dilation d’exoine jour jugé terme de parlier ais querré ne demander ne aultrement venir encontre en mille indicse à jamais et au droit que faict … generale remettre non valloir et par sondict serment ce fut fait et greé en la maison ou desmeure Yvon Le Guirreuc à La Melvean soubz le … … de notredicte court à cestes mis, le XVIIe jour de janvier l’an mile IIIIcentz IIIIxx XIIII [2], ainsin signé passe par Alain Louet H. Goussabas [3] passe

… partie les quels et chacun d’eulx eulx soubzmettent et quelx par ces presentes submisdrent et submettent o toutz leurs biens et par leurs sermentz en la jusdiction [soubsmissions] et obeysence de notredicte court à tout le contenu en ceste et que mestier est congneurent et confesserent et par la teneur de cestes congnoissent et … confessent savoir ledict Phelippes o le gré consentement et bonne volanté de sadicte compaigne qu’elle a tout ce se consantist et consant et jusdiction venir jamais encontre, et par son serment avoir baillé, livré, octroyé, et transporté, baille, livre, cede et transporte à sadicte fille ledict mariage faissant valloir au droict … part portion et testée d’icelle es suscessions dudict Phelippes et de feue Margarite Ꝃouzeré mere d’icelle marié la somme et nombre de dix livres monnoye de rente levable et anuelle par chacun an et pour asiepte d’icelle somme de levée icelluy Phelippes a baillé livré cedé octroyé et [transporté] … par ces presentes, bailla, livra, octroya et transporta auxdicts noveaulx mariés prenantz et aceptantz … en present Nychollas An Stobenc, et Alen Choppart en la parroisse de Mellac, ou toutes ses saesines et apartenances tant terres chaudes et froides pour six livres monnoye de rente par an à valloir en ladicte somme quel manoir ledict Yvon Huon avoit aultre foys livré et transporté oudict Phelippes par tiltre de vente pour la somme de six vingt livres monnoye y comprins partie des arerages quelle somme avoit employé ledict Huon à poyer sa ranqzon aux gens d’armes de Brest, lesquelx l’avoint print et contrainct à poyer ranczon et pour parfournissement desdictes dix livres monnoye de rente, ledict Phelippes o ledict asentement de sesdicts comparans a baillé et livré, baille et livre auxdicts noveaux mariés o terrouer de … eden en la parroesse de Ploezcat une piece de terre quelle tient Yvon Le Gallic par ferme dudict Phelippes pour la somme de quarante cincq soubs monnoye à prandre et lever par chacun an à chacun terme de la sainct Michel avecques une [gagerie] de febves meusure de Ploezcat à prandre dudict Gallic ; item la maison et heritages que la veuffve du Bossenc tient par ferme dudict Phelippes en ladicte parroesse pour la somme de trante soubs monnoye et en tant que lesdicts heritaiges livrés à Ploezcat auxdicts noveaux mariés ne vauldroint quatre livres monnoye de levée par an celuy Phelippes doibt fornir et fornira en ladicte parroesse de Ploezcat le parssus que reseré de prouchain et prouchain en ses aultres heritaiges hors est reservé à ladicte … marié anpprès le debceix dudict Phelippes demander plus heritaige droit avenan si elle voyt l’avoir afaire à la coustume o se tenir à ladicte levée et promesse à elle ja faicte et pour ce que ledict mais de Guernpoulhon vault plus de levée l’an que lesdictes six livres monnoye ledict Yvon Huon en … droitz de nature a livré à sondict fils le parssus dudict mais an heritaige es saesines et apartenances et aultres heritages apartenans oudict Yvon oudict village de Guernpoulhon tant par retrait que aultrement avecques l’estage tenement ou desmeure Olivier Guernolay o manoir de Ꝃeselleuc en la parroesse de Tresson o ses apartenances comme ledict Guernolay les tient par ferme oudict Yvon en tant que lesdicts noveaulx mariés ne demeuroint emsambles a ledict Yvon … grée et condictione entreulx que an cas que nul desdicts noveaulx mariés descendent sans hoir de leurs corps procreé d’entreulx emsambles, ledict Yvon Huon ses hoirs poura et sera recepvable ou sa cause ayant dedants quatre ans enssuiventz ledict debceix à recquester dudict Phelippes ou de ladicte mariée cy tant que elle soit en vie ou des hoirs ou des hoirs dudict Phelippes et ses hers de luy procreés en feue Margarite Ꝃouzeré en cas que lesdicts Phelippes … sa fille soint decebdée ledict mais de Guernpoulhon poyant pour ledict racquist faire pour principal et acessoire six vingtz livres bonne et forte monnoye … oudict racquist faire ledict Phelippes ou sa cause ayant feront la levée dudict mais au heritage et ses apartenances comme …, dit et condicione … que en tant que ledict Louys descederoit avant sondict pere, ladicte marié sera endommée oudict estage de Ꝃeselleuc ou ledict Guernolay … ses apartenances jucques à la somme de cent soubs de levée par an à les tenir à nature de douaire jucques à ladicte somme et est de … aplagée par lesdicts pere et fils o l’authorité de sondict pere, jucques à ladicte somme de cent soubs de levée pour sondict douaire oudict estage et meuble ledict Phelippes a poyé presentement en dot et argent à sadicte fille la somme de cent livres tant en or que en monnoye … à ladicte somme sur les quelles livrées ainsin faictes auxdicts noveaulx mariés par leursdicts peres, iceulx peres chacun ont promis juré et greé garantir et deffandre iceulx mariés et chacun sur icelles vers toutz et chacun à l’us et coustume du pays … les pointz et conditions procedentz … toutes et chacune ces chosses terment lesdictes parties et chacune congnoissans et confessans par devant nous en nostredicte court permisdrent grée … jurerent et sont tenus obligés s’obligerent et s’obligent soubs l’obligation et ypotheque de toutz et chacun leurs biens meubles et immeubles et par leurs sermentz ainsin les tenir fornir et acomplir de … aultre sans jamais encontre venir ne faire venir par voye de lession deception dol barat circonvention erreur en faict ne en confession … ne à leguer à vie inhibition suspencion de court d’eglisse status de … … de … impetrer plegement faire ne donner dilation d’exoine jour jugé terme de parllier oultre ne demander ne aultrement venir encontre en mille aultre maniere à jamais à quoy ont … de chacune part et au droit que faict … generalle remettre non valloir et leursdicts sermentz ce fut faict et greé o manoir de Ꝃeselleuc en la parroesse du Tresson soubs le … court à cestes mis le 16e jour de febvrier l’an mille quatre centz quatre vingtz quatorze.

Constat de … dessus passé par Alain Louet, Gonsabaz passe …, Fyacre Trousson, fils principal heritier et noble de feu Phelippes Trousson, congnois et confesse au et envers Louys Huon estre poyé ateste satisfait de luy à sçavoir de la somme de six vintz livres … que contrat cy dessus datté du XVIe jour de febvrier l’an mil IIIIc IIIIxx XIIII [1494] dont le quitte et de touz arelages que à cause dudict contrat … apartenus et luy livre ledict contrat en le surogent en tout mon droit en iceluy et le promets garantir vers touz et chacun, ce par mon serment tesmoign mon signe manuel cy mis le cincquiesme jour d’aoust l’an mil cinq centz.

[Signent] Trousson, …


[1Le manuscrit est abîmé, principalement des tâches, nous avons mis entre crochets les mots restitués, et indiqué les mots illisibles par des points de suspension.

[2Soit 1494.

[3Gousabatz.