Tudchentil

Les sources sur les gentilshommes bretons

Le château de Suscinio, une des résidence des ducs de Bretagne (XIII-XVe siècle).
Photo A. de la Pinsonnais (2009).

Baronnie de Quintin

Dimanche 15 février 2004, texte saisi par Bertrand Yeurc’h.

Adhérez à Tudchentil !

Notice d'adhésion 2017 à Tudchentil, à remplir et à envoyer avec votre chèque au siège de l'association.

Catégories de l'article

Source

Dom Guy-Alexis Lobineau, Preuves, 1707, col. 1147.

Citer cet article

Dom Guy-Alexis Lobineau, Preuves, 1707, col. 1147, 2004, en ligne sur Tudchentil.org, consulté le 27 avril 2017,
www.tudchentil.org/spip.php?article87.

Pierre par la grace de Dieu Duc de Bretaigne, Comte de Monfort & de Richemont, à tous ceux qui ces presentes lettres verront, salut.

Comme à nous de nos droitz souverains, Royaulx & Duchaux, appartienne, &c. Sçavoir faisons que nous, bien certains du degré & parenté dont nostre tres-cher & tres-amé cousin & feal Tristan Seigneur de Quintin nous attaint, lequel est extrait & consanguin proche de nostre maison, avec de tous les Barons, & grands Seigneurs de nostredit pais, puissant et richesses & en toutes autres facultez de tenir estat de Baron, mesmes en consideration des haults & honnorables services & plaisirs que nostredit cousin, & ses progeniteurs en leurs temps, ont faitz à la maison de Bretaigne en maintes manieres ; pour icelles & autres justes causes à ce nous mouvans, icelluy avons aujourd’huy, de nostre plainiere puissance, authorité, & grace especial, fait, croié, & instiué, faisons, croions, & instituons par ces presentes Baron en nostre pais & Duché de Bretaigne, par raison & à cause de sadite Seigneurye & ancienne Banniere de Quintin ; & en voullant & octroyant, voullons & octroyons par ces presentes à nostredit cousin que luy, ses heritiers, & successeurs Seigneurs de ladite Seigneurie de Quintin, successivement, chacun en son temps, soient ditz, nommez, censez, & reputez en perpetuel, Barons, à avoir, tenir, user, & jouir au temps advenir de tous droitz, prerogatisves, privileges, & noblesses appartenans à Barons, & que en nos Parlements, Conseils, Estaz, & Conventions, ils soient convoquez, appellez, & ouiz, & eux tenus y comparoir comme les autres Barons de nostre païs, & qu’ilz ayent lieu & assiepte ou ranc de nos aultres Barons, sans prejudicier aux lieux & assieptes des neuf anciens Barons de nostre païs, la prééminence desquels en ce cas reservons, avecques nos droitz, souverainetez, & noblesses en toutes choses. Sy mandons & commandons &c.
Donné en nostre ville de Vannes le vingt & troisiéme jour de May l’an de grace mil quatre centz cinquante un. Pierre. Par le Duc, de son commandement, & en son Conseil, ouquel vous le Grand Maistre d’Hostel, Pierre de la Marzeliere, Rolland de Carné, Chevaliers, & autres estoient ; O. de Coëtlogon.